محطة أداء

السلام عليكم.....
الناس اللي باغين يخدموا في الصيف في محطة أداء خاصكم دفعوا سيفي إدارة كتكون قريبة من محطة أداء (غالبا كتكون قريبة من محطة أداء إلا معرفتوهاش سيروا سولوا هاذوك لي خدامين في لاكيص غيوريوكم إدارة فين جات إدارة كتكون قريبة ليها إدارة الدرك الملكي) و بالنسبة الصالير 2500 درهم و تقدر تجيك قل على حساب السويع لي خدمتي 8 سويع في النهار يعني كتخدم 13 درهم الساعة و معندكش الحق تزيد سويع..... و كاينين شي مدن كيطلبوا ليهم سيفي +دوموند دو ترافاي و بالنسبة ليا انا في كازا دفعت غير سيفي صافي و بالنسبة الترونسبور را كاين كيهزك من حدا الدار و كيوصلك مقر العمل(ملاحظة الناس اللي ساكنين قراب محطة أداء عندكم حظوظ كبيرة باش يعيطو ليكم) و كل يوم كتخدم في محطة أداء على حساب هما فين غيحطوك مهم الترونسبور را كاين و بالنسبة توقيت العمل كتخدم من 6 صباحا الى 2 زوالا اولا نهار آخر من 2 زوالا إلى 10 ليلا اولا نهار آخر من 10 ليلا إلى 6 صباحا (ملاحظة بالنسبة البنات مكيخدموش بليل و البنات لي لابسين الخمار بلا ما يدفعوا سيفي خاصك تكوني لابسة زيف عادي) و هاذ توقيت لي قلت ليكم تقدر تفاهم نتا و صاحبك و تنظموا توقيت بيناتكم و كاينين شي إدارات كيفرضوا عليك توقيت العمل لي غادي تخدم فيه..... زيادة على ذلك فاش كتسالي الخدمة كايتحاسبو معاك و لا لقاو شي حاجة ناقصة يقطعوها ليك من الخلصة و لا لقاو شي حاجة زايدة كيشذوها هما و من بعد كيوصلك الترونسبور و يقربك تا دار و بالنسبة الكونطرا فهي كونطرا عادية كونطرا 1 فيها شهرين و الا عجبتهم خدمة ديالك كيجدوها 6 أشهر و من بعد كيقولك باي باي مكاين لا ترسام لا والوا و كونطرا cdd (عندها أجل محدد) و مكاينش لا cnss و را كيطلبوا باك اولا نيفو باك و سيفي دير فيه غير باك صافي اولا نيفو باك و الخدامي لي فايت ليك خدمتي(ما عمرك خدمتي بلا متكذب تقدر تحصل) و الناس اللي سولوني واش إلا دفعت سيفي غادي يعيطوا ليا نخدم بالخف بغيت غير نقول ليكم جميع احتمالات إلا دفعتي سيفي من ليوما يقدروا يعيطوا ليك من غدا و يقدرو عيطوا ليك تا صيف و يقدرو ميعيطوا ليك تيفوت الصيف اولا ميعيطوش ليك بارسكو كيف ما شفتوا عدد كبير الناس غادي يدفعوا سيفي محطة أداء و يعني إلا ميعيطوش ليك ميبقاش فيك الحال شوف ليك حاجة أخرى داكشي غير زهر و مكاتب و واحد ميعولش غير على هاذ الخدمة يدفع بلايص أخرى و قراوا منشورات لي دويت فيها على الخدمة في الصيف بلا كونطرا انابيبك(ملاحظة بعدو على الخدمة في بيم و مرجان و اسيما و كارفور و أسواق السلام و كارفور ماركيت و شركات كابلاج هاذو كاملين كونطرا انابيبك فيها سنتان) و فاش كدوز المقابلة(المقابلة غادي ندير سطاتي و ندوي ليكم عليها) و فاش كيعيطوا ليك تخدم كدوز واحد فورماتيون فيها 3 أيام عاد كتخدم و بالنسبة الخدمة كتخدم في لاكيص كتخلص مهم خاص يكون عندك مع الصرف و لي مزال عندو شي سؤال مجوبتش عليه في هاذ المنشور غادي تسول نجوبك و بالنسبة الناس اللي ساكنين في أي مدينة يسولوا على اطوروت لي قريبة ليهم و يدفعوا سيفي محطة أداء..